Навіны раёна

Дырэктар прадстаўніцтва Белдзяржстраху па Чашніцкім раёне дзеліцца меркаваннем аб маючым адбыцца рэферэндуме

Важны і лёсавызначальны крок у жыцці краіны

Карэспандэнт раённай газеты пацікавілася ў жыхароў Чашнік, як яны ставяцца да правядзення ў краіне рэферэндуму па змяненні дзейнай Канстытуцыі і ці плануюць узяць удзел у ім?

Наталля Аляксандравіч, дырэктар прадстаўніцтва Белдзяржстраху па Чашніцкім раёне:

- 27 лютага пройдзе рэферэндум па прыняцці зменаў у асноўны дакумент - нашу Канстытуцыю. Гэта вельмі важны і лёсавызначальны крок у жыцці краіны, у развіцці нашай дзяржавы. Бо мяняюцца пакаленні, погляды, якія дыктуюць пэўныя змены і ў заканадаўстве.

Кожны з нас меў магчымасць абмеркаваць асноўныя палажэнні Галоўнага закона, выказаць сваё меркаванне, унесці аргументаваныя прапановы па яго змене. Лічу, што яны найперш былі накіраваныя на захаванне жыцця і здароўя нашых людзей, умацаванне дзяржаўнага ладу. Важна таксама, на мой погляд, зберагчы гістарычную памяць аб гераічным мінулым свайго народа. Зрабіўшы правільныя высновы з падзей апошніх гадоў, прадугледжаны страховачныя механізмы, якія гарантуюць нам абарону. Пераканана, што дакумент, які аб'ядноўвае нас усіх, будзе дзейсны ў вырашэнні ўсіх надзённых пытанняў нашых людзей. А рэферэндум прадэманструе меркаванне беларускага народа. З задавальненнем прыму ўдзел у рэферэндуме і лічу, што гэта павінен зрабіць кожны чалавек, якому неабыякавы лёс нашай краіны.