Такога ж адказнага падыходу запатрабаваў старшыня райвыканкама пры навядзенні парадку ў населеных пунктах рэгіёна. Чарговы раз ён падкрэсліў: неабходна наводзіць чысціню на прылеглых, замацаваных тэрыторыях, памятных месцах. Асаблівая ўвага - стану дарог, у гэтым пытанні неабходна актывізавацца дарожным службам.
Традыцыйна падчас пасяджэнняў абмеркавалі праблемы ў сферы забеспячэння грамадскай, пажарнай бяспекі. Як праінфармаваў начальнік Чашніцкага РАНС Сяргей Малашэнка, на мінулым тыдні ў раёне адбылося два пажары. 4 красавіка ў райцэнтры было зафіксавана ўзгаранне аўтамабіля, у гэты ж дзень у в. Прыдвор'е ад падпаленай сухой травы загарэлася лазня. Абставіны надзвычайных сітуацый высвятляюцца. У цэлым жа з 4 па 8 красавіка ратавальнікі шэсць разоў выязджалі па сігналах аб узгаранні сухой расліннасці. Сяргей Малашэнка нагадаў, што за такія парушэнні прадугледжана адміністрацыйная, а ў выпадку, калі ўрон нанесены ў асабліва буйным памеры, то і крымінальная адказнасць.