Прыярытэтам сацыяльнай палітыкі Беларусі прадаўжае заставацца абарона простых грамадзян і падтрымка людзей, якія знаходзяцца ў складанай жыццёвай сітуацыі. Асаблівая ўвага ў праекце Канстытуцыі надаецца сямейным каштоўнасцям, падтрымцы маладых сем'яў і тых, хто выхоўвае дзяцей, клопату аб пажылых і людзях з абмежаванымі магчымасцямі. Разам з тым, у новай рэдакцыі Асноўнага закона прапануецца ўнесці сацыяльную адказнасць грамадзян перад грамадствам і дзяржавай. Трэба разумець, што Канстытуцыя - гэта не набор ільгот, а шэраг гарантый, якія дзяржава дае людзям.

Акрамя сацыяльнага блока, у праекце Асноўнага закона закранаюцца пытанні дзяржаўнага ладу нашай краіны. Прапанаваныя змяненні накіраваны на забеспячэнне балансу паўнамоцтваў органаў дзяржаўнай улады. Захоўваючы Беларусь прэзідэнцкай рэспублікай, палітычная сістэма выбудоўваецца такім чынам, каб кожная галіна ўлады была збалансаваная і мела рычагі ўздзеяння на іншую, калі тая становіцца на шлях парушэння Канстытуцыі.

Абноўлены Асноўны закон будзе адпавядаць патрабаванням часу і забяспечыць далейшае развіццё нашай краіны, рэзюмавала Вікторыя Вальчук.

Як заўсёды, аўдыторыя не засталася абыякавай да абмеркавання праекту Канстытуцыі. У зале гучала шмат пытанняў, на якія прысутным адказалі спікеры. На развітанне намеснік начальніка міжнароднага аддзела і ўзаемадзеяння са СМІ падзякавала жыхарам раёна за сардэчны прыём, асобныя словы падзякі гучалі ў адрас народнага калектыву народнага ансамбля "Ульчанка", які вітаў гасцей да пачатку мерапрыемства.

Алена ВАСІЛЬЕВА, "Чырвоны прамень".