Навіны раёна

Напярэдадні святкавання Дня работнікаў сельскай гаспадаркі і перапрацоўчай прамысловасці АПК уся ўвага працаўнікам сельгаспрадпрыемстваў

Адмысловага прызнання і павагі па праве заслугоўваюць прадстаўнікі аграпрамысловага комплексу раёна. Сельская гаспадарка - гэта ўпартая штодзённая праца без выхадных дзён, якая патрабуе шмат сіл і цярпення. Ад таго, як спрацуюць вяскоўцы, залежыць жыццёвы ўзровень, здароўе і дабрабыт усяго насельніцтва, наша харчовая бяспека.

Напярэдадні святкавання Дня работнікаў сельскай гаспадаркі і перапрацоўчай прамысловасці АПК уся ўвага працаўнікам сельгаспрадпрыемстваў. Для ўшанавання лепшых прадстаўнікоў гэтай галіны на чашніцкую зямлю прыбылі ганаровыя госці: старшыня Рэспубліканскага камітэта Беларускага прафесійнага саюза работнікаў аграпрамысловага комплексу Васіль Міхайлавіч Хвацік і старшыня Віцебскай абласной прафсаюзнай арганізацыі Беларускага прафсаюза работнікаў АПК Таццяна Анатольеўна Ярома. Дэлегацыя, у складзе якой намеснік старшыні Чашніцкага райвыканкама А. Я. Сурын, старшыня раённага аб'яднання прафсаюзаў М. В. Шостак, старшыня раённага камітэта прафсаюза работнікаў АПК І. Г. Шыбанава, намеснік начальніка аддзела ідэалагічнай работы, культуры і па справах моладзі райвыканкама С А. Латыгалец, разам з ганаровымі гасцямі адправілася на малочнатаварную ферму "БАМ" ААТ "Палац працы-Агра", каб напярэдадні свята падзякаваць людзям, якія працуюць на зямлі і ўкладваюць душу і сілу для атрымання добрага выніку. Бо колькі слоў падзякі ні кажы ў адрас працаўнікоў сельскай гаспадаркі, усё роўна будзе нядосыць, каб выказаць удзячнасць за іх цяжкую працу.

Работнікі ААТ "Палац працы-Агра" маюць высокія паказчыкі працы.

Гэта сельгаспрадпрыемства на працягу многіх гадоў мае высокія паказчыкі ў вытворчасці жывёлагадоўчай прадукцыі, і гэта не можа не радаваць. Работнікі Чашніцкага раённага цэнтра культуры і народнай творчасці для гэтага выпадку падрыхтавалі канцэртную праграму. Падчас мерапрыемства каштоўнымі падарункамі былі адзначаны перадавік на сяўбе азімых збожжавых культур пад ураджай 2022 Д. А. Ляшук, аператары машыннага даення, якія дасягнулі найвышэйшых паказчыкаў па вытворчасці жывёлагадоўчай прадукцыі: В. П. Якаўлева, А. В. Раманенка, Л. У. ... Салаўёва. Каштоўны падарунак атрымала і загадчыца фермы А. Н. Шурмель. У рамках рэспубліканскай акцыі "Наш жывёлавод", у мэтах умацавання матэрыяльна-тэхнічнай базы, госці ўручылі мікрахвалевую печ для ўсіх работнікаў малочнатаварнай фермы.

Момант узнагароджання

Момант узнагароджання

На малочнатаварнай ферме "БАМ" ААТ "Палац працы-Агра"

 У гэты дзень гучала шмат пахвальных, добрых слоў ад прадстаўнікоў раённай улады, высокапастаўленых гасцей, бо прафесія чалавека, які працуе ў сельскай гаспадарцы, дагэтуль з'яўляецца адной з самых паважаных і ўшанаваных у народзе. Падзякавалі і працаўнікам за іх дзейсную працу, пажадалі моцнага здароўя, дабрабыту і працвітання, невычэрпнай сілы духу, цярпення, новых поспехаў, любові да сваёй малой радзімы. Разам з тым звярнулі ўвагу на важнасць вакцынавання насельніцтва.

Марына Мішулкова