У структуры злачыннасці назіраецца тэндэнцыя захавання колькасці цяжкіх і асабліва цяжкіх злачынстваў на ўзроўні аналагічнага перыяду мінулага года, не дапушчана ўчынення злачынстваў супраць жыцця і здароўя грамадзян, якія адносяцца да названай вышэй катэгорыі.
Назіраецца зніжэнне з 10 да 5 крымінальных дзеянняў па лініі крымінальнага вышуку. З пяці зарэгістраваных злачынстваў падазроныя асобы ўстаноўлены па чатырох.

Удзельная вага злачынстваў па лініі УГРА, вытворчасць па якіх скончана, склала 63,6% (абласны паказчык - 47,9%).
Захоўваецца станоўчая тэндэнцыя зніжэння з 5 да 3 злачынстваў па напрамках дзейнасці службы, якія ўчыняюцца ў сельскай мясцовасці.

Аб барацьбе з карупцыяй

За студзень аддзяленнем па барацьбе з эканамічнымі злачынствамі крымінальнай міліцыі аддзела ўнутраных спраў на тэрыторыі аператыўнага абслугоўвання зафіксавана 2 факты ўчынення крымінальных дзеянняў у сферы эканомікі, адно з якіх адносіцца да катэгорыі цяжкіх. Падазроныя асобы ўстаноўлены па ўсіх выяўленых злачынствах.

Аб кіберзлачыннасці

Прынятыя меры прафілактычнага і тлумачальнага характару далі магчымасць знізіць колькасць зарэгістраваных злачынстваў у сферы высокіх тэхналогій.
За названы перыяд на тэрыторыі раёна зарэгістраваны два такія злачынствы (2021 — 5).

Аб грамадскай бяспецы

За парушэнне антыалкагольнага заканадаўства ў студзені бягучага года да адміністрацыйнай адказнасці прыцягнуты тры грамадзяніны, з незаконнага абароту канфіскавана 75 літраў спіртазмяшчальнай прадукцыі, у лячэбна-працоўныя прафілакторыі накіраваны тры жыхары раёна.

Выпадкаў смерці ад атручэння сурагатам алкаголю ў бягучым годзе, як і ў мінулым, не зарэгістравана. У дзеяздольнасці грамадзяне не абмяжоўваліся.

У студзені назіраецца зніжэнне з шасці да пяці злачынстваў, учыненых у стане алкагольнага ап'янення, з сямі да трох зменшылася колькасць правапарушэнняў, учыненых раней судзімымі асобамі.

Наталля Грыгарэнка "Чырвоны прамень".