Навіны рэгіёну

Як выконваецца адна са стратэгічных задач у сельгаспрадпрыемствах Пастаўскага раёна?

- Рэзервы росту ёсць ва ўсіх, і яны ў будаўніцтве буйных малочнатаварных ферм, - лічыць старшыня райвыканкама Сяргей Чэпік. - У раёне будуем тры МТФ праектнай магутнасцю 1848 галоў дойнага статка. Пасля іх уводу, па ўсіх разліках, патрэбнасць малаказавода ў сыравіну 100-працэнтна закрыем раёнам.

 Найбольшая ступень гатоўнасці фермы, якая ўзводзіцца малаказаводам. Яна ўжо запаўняецца жывёламі, у асноўным тымі, якія вырашчаны ў раёне. Гэта не бянтэжыць намесніка дырэктара Канстанціна Гайлеўскага, які ўпэўнены, што нашы каровы галшцінскай пароды маюць высокую прадуктыўнасць, трэба толькі стварыць для іх належныя ўмовы ўтрымання, забяспечыць збалансаваным рацыёнам і даверыць адказным работнікам.

Да канца года павінен увайсці ў строй комплекс у ААТ «Кураполле-Агра», а таксама новая ферма з даільнай залай у «Хацілы-Агра».

На будаўнічай пляцоўцы ў Кураполлі ажыўлена. Практычна на кожным будынку кіпіць праца. У генпадрадчыка - КСУП "Світанак Пастаўскі" - з дзясятак субпадрадчыкаў.