Навіны рэспублікі

МТЗ плануе арганізаваць першы ў Беларусі шоу-рум трактарнай тэхнікі, паведамілі БЕЛТА ў прэс-службе ведамства.

"Наша галоўная мэта - зрабіць усё магчымае для зручнасці пакупніка. Таму мы на базе аддзялення па Мінскай вобласці філіяла ААТ "МТЗ" "Гандлёвы дом BELARUS" плануем арганізацыю цэнтра, дзе будуць прадстаўлены флагманскія мадэлі трактароў BELARUS. Там жа можна будзе набыць тэхніку і пры неабходнасці прайсці навучанне асаблівасцям яе эксплуатацыі. Акрамя таго, на базе цэнтра будуць працаваць сэрвісная служба, можна будзе набыць арыгінальныя запасныя часткі да трактароў BELARUS, г.зн. мы хочам стварыць адзіны пункт, дзе кліент зможа атрымаць увесь комплекс паслуг па продажы, навучанні, сэрвісе", - расказаў намеснік маркетынг-дырэктара ААТ "МТЗ" Вадзім Кантар.

Цяпер спецыялісты вызначаюцца, на якой менавіта пляцоўцы будзе арганізаваны цэнтр. Вадзім Кантар расказаў, што будаўніцтва плануецца пачаць ужо ў 2025 годзе.